Yr Hen Laethdy

Credir bod y Llaethdy yn dyddio’n ôl i’r 16eg ganrif. Mae wedi ei leoli mewn iard gysgodol ar dir Plas Cadnant, yn edrych dros yr ardd berlysiau wrth ymyl ‘Y Bragdy’. Unwaith eto derw a llechi yw’r thema fel gweddill y bythynnod.

Mae’r ystafell fwyta’n eang braf. Mae lle i hyd at wyth o bobl eistedd wrth y bwrdd cinio os oes angen. Yn y gegin mae hob nwy, popty trydan, microdon, peiriant golchi/sychu ac ati. Hefyd ar y llawr isaf mae ystafell wely gyda dau wely sengl ac ystafell gawod wrth ymyl, toiled a basn i unrhyw un sy’n cael trafferth defnyddio’r grisiau.

Yn y brif ystafell wely, sydd eto wedi ei dodrefnu ag antîcs, mae gwely pedwar postyn maint brenin ac mae'n edrych dros yr iard. Yn yr ystafell wely sengl mae gwely pres antîc gyda sedd ffenestr a golygfeydd dros y gerddi hanesyddol. Yn yr ystafell ymolchi gerllaw mae baddon a chawod llaw, toiled a basn. Mae mesurydd i fesur y tanwydd.

Mae’r grisiau derw’n arwain at ystafell fyw sydd wedi ei dodrefnu’n gyfforddus gyda thrawstiau agored, stôf nwy ar gyfer nosweithiau clyd, teledu lliw, a dewis da o lyfrau. Mae’r ystafelloedd gwely a’r ystafell ymolchi’n arwain o’r ystafell hon.